ഓര്മ്മകള്ക്കെന്തു സുഗന്ധം ....
പ്രണയം തോന്നുന്നു ഈ വരികളോട് ...
നനഞ്ഞ വിരല് തുമ്പു കൊണ്ട് ഭിത്തിയില് നീണ്ടു ഭംഗിയുള്ള പീലികള് ഉള്ള കണ്ണുകള് കോറിയിട്ടു. മഴ കാണുമ്പോള് ആദ്യം ഓര്മ്മ വരുക സ്കൂളിലേക്കുള്ള യാത്രകളാണ്. പുതിയ ഉടുപ്പും പുസ്തകവുമൊക്കെയായി സ്കൂള് തുറക്കാനായി കാത്തിരിക്കും. എന്നിട്ടോ ആദ്യത്തെ ദിവസം തന്നെ കൂട്ടിനു മഴയും വരും . നനഞ്ഞു ഒട്ടിയാവും ക്ലാസ്സില് എത്തുന്നത്. പകലൊക്കെ ചെറുതായൊന്ന് ചാറിയും മറ്റും മഴ പിണങ്ങി നില്ക്കും. വീണ്ടും കുട്ടികള് സ്കൂള് വിട്ടിറങ്ങുമ്പോള് എത്തുകയായി ആര്ത്തലച്ചു. വീട്ടില് അമ്മയുടെ അരികില് എത്തിച്ചിട്ടെ പിന്നെ മടക്കമുള്ളൂ ... എന്നാലും ഒരിക്കലും പിണക്കം തോന്നിയതേയില്ല. വളര്ന്നു വലുതായപ്പോള് ഇഷ്ടത്തിന്റെ വര്ണ്ണങ്ങളും മാറി.